بنات بلادي ارواحو نسقسيكم سؤال علابالي حتى انتوما يهمكم

كاش وحدة هنا دارت وصفة هزتها هنا من المنتدى و صلحتلها خاصة فموضوع باه يجي مسود السعد يخطب راهم غير جماعات العشرين لي ستخطبو يا ربي سيدي فوق العشرين راهم مدايرينالصف معايا كيفاه يهبلو عليهم و يروحو يخطبوهم و حنا بنات الفاميليا قاعدين كاش وصفة نحيولهم بيها جد باباهم
و السؤال التاني قولولي كاش وحدة جزايرية تكشف على الاقل نفهموها مليح و تفهمنا او جزايري ميهمش رانا كرهنا الخدمة مكانش المسود حاسب روحو و ينفخ في صدرو العايلة يزيدو عليك الوالد جيبيلي اديلي حددلي الام انفضي طيبي لعشا وجدي لغدا عسي ولاد خوك حتى يجي باباهم يديهم ا جاية مرت خوك وجديلها السينية يااا الزح ربي عطانا الزين و التربية و خدمة اليدين بصح راهي تروح باطل على الناس مزهيناش بيها رواحنا خلاص راني اكتر من عشر سنين و انا نسنى فيه راه وجد روحو رجع خدام حاب يجي و مخبي الطاس و صحابو يعمرولو ودنيه و هو بوودينة و الله العبد كره خلاص