علاج الحسد والسحر

كل ما كانت العين او الحسد او السحر قوي
كل ما كان يحتاج صبر و قوة اراده و فتره اطول في العلاج
و كله على الله و بيد الله تعالى
اولا
التوكل على الله
و معرفة انها ارادته و انه قضاء و قدر
و الرضى بالقضاء خيره و شره لازم علينا الايمان فييه
ثانيا لازم المداومه على الطهاره
و البيت يكون طاهر و نظيف من الاغاني و الصور والمحرمات ان وجدت
ثالثا
في طريقه الي هي قراءة سورة الفلق 111مره
المحسوده بنفسها تقراها على نفسها و كل ما تخلص 7 تتفل على عمرها و تخلي غرشة ماي او اناء تقرا عليه بعد و تنفث فيه و تشرب الماي و تغتسسل منه كل يوم
اذا ما قدرت و هذا بعد ما تحاولولون الاب يقرى عليه لانه الرجل اقوى من الحرمه
و الام تقرى اذا تريد مره ثانيه
بعدين
ماي نظيف في جدر و زيت زيتون في طاسه
تقرأ عليه الرقيه الشرعيه و تقدرين تحصلينها من المكتبات الاسلاميه الموثوق بها طبعا مع النفث في الماي و الزيت
يشرب من الماي و يغتسل فيه( الافضل مع كل كميه الي يتم تحديدها للاغتسال اليوم مثلا تجيب 77 ورقات من السدر و دقها في طاسه و تحط الماي المقروء علشان الزيت الي يطلع ينخلط مع الماي و ينصب من الراس يو يلامس الجسم كامل و طبعا خارج الحمام في الحجره مثلا ينفرش او ينحط صحن كبيييير يكفي للساتحمام) و كل الي في البيت يغتسلون لانه ما ينعرف ممكن سحر مسواي لحد في منو انصاب
و الماي ينحط منه على الاكل عند الطبخ
الزيت ينحط على الاكل او السلطه و يدهن الجسم بعد الاغتسال بالماء
و يندهن على الجبين و الصدر قبل النوم وممكن من الحلم المتكرر(بعد التفسير) ينعرف منو الي حاسد او عاين و قبل لا ترقدي ترشون الفراش بالماي و تنفضونها بطرف الثوب و تسمون بسم الله و ما ترقد بروحها او في ظلام
بعدين تشترين اشرطة الرقيه
و تحطون السماعات في الاذن و تسمع باستمرار
وبعد
ينرش البيت بالماي و الي خالطينه بورق السدر المدقوق تنرش الزوايا كلها و عتبة الباب الرئيسي و البيت والغرف طبعا ما عدا باب الحمام
بعد
قراءة سورة البقره يوميا يوميا يوميا من اهل البيت
المحافظه على الاذكار الصباحيه والمسائيه لانها تتعب الجن
بعدين ها الحال لازم يداوم عليه البيت كله لمدة اقل شي 7 يام
في البدايه بتحصلون تعب و ارهاق ونعاس واصوات و احلام بعدين ان شاء الله بتتحسن
والاهم الثقه بالله بان الشفاء بيده
اطبعي هالكلام في ورقه و علقيه في الحجرة
لانه الشيطان بيسوي المستحيل علشان يمنعهم يسوون الرقيه
و اذا حصلتي مطوع ثقه يقرى مره على الاقل في الاسبوع
و اكثرو من الاستغفاااار ثم الاستغفار وقول حسبي الله و نعم الوكيل ولا حول ولا قوة الا بالله